ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਉੜੀਸਾ ਦੇ ਰਾਏਗੜਾ ਵਿਖੇ ਅੱਜ ਤੋਂ ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ (District level Krishi Mahotsav and Agricultural Machinery Fair) ਬਹੁਤ ਹੀ ਧੂਮਧਾਮ ਨਾਲ ਸ਼ੁਰੂ ਹੋ ਗਿਆ ਹੈ। ਇਹ ਖੇਤੀਬਾੜੀ ਮਸ਼ੀਨਰੀ ਮੇਲਾ ਰਾਏਗੜਾ ਜ਼ਿਲ੍ਹੇ ਦੇ ਲੋਕਾਂ ਲਈ, ਖਾਸ ਤੌਰ `ਤੇ ਖੇਤੀਬਾੜੀ ਤੇ ਕਿਸਾਨਾਂ ਲਈ ਇੱਕ ਵਿਸ਼ਾਲ ਇਕੱਠ ਮੇਲਾ ਹੈ। ਇਸ ਮੇਲੇ ਦਾ ਉਦੇਸ਼ ਕਿਸਾਨਾਂ ਨੂੰ ਖੇਤੀ ਮਸ਼ੀਨਰੀ ਤੇ ਸੰਦ ਵਾਸਤਵਿਕ ਭਾਅ ਤੇ ਮੁਹੱਈਆ ਕਰਵਾਉਣਾ ਹੈ। ਇਹ ਮੇਲਾ ਅੱਜ ਤੋਂ ਯਾਨੀ ਕੇ 3 ਫਰਵਰੀ ਤੋਂ 6 ਫਰਵਰੀ ਤੱਕ ਜਾਰੀ ਰਹੇਗਾ।
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਇਸ ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ``ਚ ਕਈ ਨਾਮਵਰ ਲੋਕ ਮੌਜੂਦ ਸਨ। ਓਡੀਸ਼ਾ ਸਰਕਾਰ ਨੇ ਕਿਸਾਨਾਂ, ਖੇਤੀ ਮਾਹਿਰਾਂ ਅਤੇ ਖੇਤੀ ਉਦਯੋਗਪਤੀਆਂ ਨੂੰ ਇੱਕ ਹੀ ਪਲੇਟਫਾਰਮ 'ਤੇ ਇਕੱਠਾ ਕੀਤਾ ਹੈ, ਜਿਸ ਦਾ ਮੀਡੀਆ ਪਾਰਟਨਰ ਕ੍ਰਿਸ਼ੀ ਜਾਗਰਣ ਹੈ। ਇਸ ਮੇਲੇ `ਚ ਕਿਸਾਨਾਂ ਨੂੰ ਖੇਤੀ ਸੰਦਾਂ ਬਾਰੇ ਜਾਣੂ ਕਰਵਾਉਣ ਲਈ ਕਈ ਪਤਵੰਤੇ ਸ਼ਾਮਲ ਹੋਏ ਜੋ ਕਿਸਾਨਾਂ ਨੂੰ ਖੇਤੀ ਖੇਤਰ `ਚ ਮਦਦ ਕਰਨਗੇ।
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਉੜੀਸਾ ਸਰਕਾਰ ਓਥੋਂ ਦੇ ਲੋਕਾਂ ਤੇ ਸੂਬੇ ਦੀ ਬਿਹਤਰੀ ਲਈ ਤੇ ਕਿਸਾਨਾਂ ਦੇ ਵਿਕਾਸ ਲਈ ਹਮੇਸ਼ਾ ਯਤਨਸ਼ੀਲ ਰਹਿੰਦੀ ਹੈ। ਇਸ ਮਹਾਨ ਉਦੇਸ਼ ਨਾਲ, ਉੜੀਸਾ ਸਰਕਾਰ ਜ਼ਿਲ੍ਹਾ ਪ੍ਰਸ਼ਾਸਨ ਦੀ ਸਰਪ੍ਰਸਤੀ ਹੇਠ ਖੇਤੀਬਾੜੀ ਮੇਲਿਆਂ ਦਾ ਆਯੋਜਨ ਕਰਦੀ ਰਹਿੰਦੀ ਹੈ। ਅੱਜ ਦੇ ਪ੍ਰੋਗਰਾਮ ਦਾ ਉਦਘਾਟਨ ਮੁੱਖ ਮਹਿਮਾਨ ਓ.ਏ.ਆਈ.ਸੀ ਦੇ ਚੇਅਰਮੈਨ, ਦੀਕਸ਼ੀਸ਼ਾ ਮੋਹੰਤੀ ਨੇ ਕੀਤਾ। ਇਸ ਦੌਰਾਨ ਰਾਏਗੜਾ ਦੇ ਜ਼ਿਲ੍ਹਾ ਕੁਲੈਕਟਰ ਸਵਾਧਾ ਦੇਵ ਸਿੰਘ, ਸੀ.ਡੀ.ਪੀ.ਓ ਰਵੀ ਨਰਾਇਣ ਤ੍ਰਿਪਾਠੀ, ਧਰਮਿੰਦਰ ਬੇਹੜਾ, ਰਾਮਚੰਦਰ ਦਾਸ ਤੇ ਕਾਂਤਿਤਾ ਹਾਜ਼ਰ ਸਨ।
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਇਹ ਵੀ ਪੜ੍ਹੋ : ਕ੍ਰਿਸ਼ੀ ਵਿਗਿਆਨ ਕੇਂਦਰ, ਤਰਨ ਤਾਰਨ ਨੇ ਡੇਅਰੀ ਪਸ਼ੂਆਂ ਵਿੱਚ ਪਰਜੀਵੀ ਸਮੱਸਿਆਵਾਂ ਬਾਰੇ ਇੱਕ ਰੋਜ਼ਾ ਵਰਕਸ਼ਾਪ ਦਾ ਆਯੋਜਨ ਕੀਤਾ
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਸੂਬੇ ਦੇ ਸਾਰੇ ਕਿਸਾਨਾਂ ਨੂੰ ਸੁਧਰੀ ਹੋਈ ਖੇਤੀ ਮਸ਼ੀਨਰੀ, ਬੀਜ, ਖਾਦਾਂ, ਨਵਾਂ ਗਿਆਨ ਤੇ ਤਕਨਾਲੋਜੀ ਆਸਾਨੀ ਨਾਲ ਉਪਲਬਧ ਹੋਵੇ, ਇਸ ਲਈ ਓਡੀਸ਼ਾ ਸਰਕਾਰ ਵੱਲੋਂ ਕੀਤੇ ਗਏ ਯਤਨ ਹਮੇਸ਼ਾ ਸ਼ਲਾਘਾਯੋਗ ਰਹੇ ਹਨ। ਇਸ ਮੇਲੇ `ਚ ਕਿਸਾਨਾਂ ਦੀਆਂ ਜ਼ਮੀਨਾਂ ਵਿੱਚ ਵਰਤੇ ਜਾਣ ਵਾਲੇ ਸਾਰੇ ਖੇਤੀ ਸੰਦ ਸਸਤੇ ਭਾਅ ਵਿੱਚ ਉਪਲਬਧ ਹੋਣਗੇ। ਕਿਸਾਨਾਂ ਨੂੰ ਆਪਣੀ ਜ਼ਮੀਨ ਲਈ ਸਬਸਿਡੀ 'ਤੇ ਖੇਤੀ ਸੰਦ ਖਰੀਦਣ ਦਾ ਮੌਕਾ ਮਿਲੇਗਾ। ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਜਿੱਥੇ ਸਰਕਾਰ ਬਾਜਰੇ ਨੂੰ ਉਤਸ਼ਾਹਿਤ ਕਰ ਰਹੀ ਹੈ ਉੱਥੇ ਹੀ ਮੰਡੀਆਂ ਵਿੱਚ ਤਿਆਰ ਕੀਤੇ ਖਾਧ ਪਦਾਰਥ ਵੇਚੇ ਜਾ ਰਹੇ ਹਨ। ਅੱਜ ਇੱਥੇ ਸੋਨਾਲਿਕ, ਮਹਿੰਦਰਾ, ਡੈਕਸ ਡਰੋਨ ਵਰਗੇ ਪ੍ਰਾਈਵੇਟ ਸੈਕਟਰ ਦੀਆਂ ਪ੍ਰਮੁੱਖ ਖੇਤੀ ਮਸ਼ੀਨਰੀ ਨਿਰਮਾਤਾਵਾਂ ਨੇ ਵੀ ਇਸ ਵਿੱਚ ਸ਼ਾਮਲ ਹੋ ਕੇ ਆਪਣੇ ਸਟਾਲ ਲਗਾਏ ਹਨ।
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਇਸ ਮੇਲੇ ਵਿੱਚ ਸਾਰੀਆਂ ਖੇਤੀ ਸੰਦ ਬਣਾਉਣ ਵਾਲੀਆਂ ਕੰਪਨੀਆਂ, ਵੰਡ ਕੰਪਨੀਆਂ, ਵੱਖ-ਵੱਖ ਵਿਭਾਗੀ ਅਧਿਕਾਰੀ, ਹੋਰ ਕਰਮਚਾਰੀ ਹਾਜ਼ਰ ਹਨ ਅਤੇ ਖੇਤੀਬਾੜੀ ਦੇ ਕੰਮਾਂ ਲਈ ਲੋੜੀਂਦੇ ਹਰ ਤਰ੍ਹਾਂ ਦੇ ਸੰਦ ਤੇ ਸਾਜ਼ੋ-ਸਾਮਾਨ ਨੂੰ ਰਿਆਇਤੀ ਕੀਮਤਾਂ 'ਤੇ ਮੁਹੱਈਆ ਕਰਵਾਉਣ ਦੇ ਪ੍ਰਬੰਧ ਕੀਤੇ ਗਏ ਹਨ। ਇਸ ਮੇਲੇ ਵਿੱਚ ਕਿਸਾਨਾਂ ਨੂੰ ਖੇਤੀਬਾੜੀ ਵਿੱਚ ਵਰਤੀਆਂ ਜਾਂਦੀਆਂ ਵੱਖ-ਵੱਖ ਕਿਸਮਾਂ ਦੀਆਂ ਖੇਤੀ ਮਸ਼ੀਨਰੀ ਦੀ ਲੋੜ, ਵਰਤੋਂ, ਰੱਖ-ਰਖਾਅ ਅਤੇ ਸਿਖਲਾਈ/ਕਲਾਸਰੂਮਾਂ ਬਾਰੇ ਜਾਗਰੂਕ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਸਰਕਾਰ ਵੱਲੋਂ ਮੇਲੇ ਵਿੱਚ ਵੱਖ-ਵੱਖ ਖੇਤੀ ਮਸ਼ੀਨਰੀ ਪ੍ਰਦਰਸ਼ਿਤ ਕਰਨ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ।
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਮੇਲੇ ਵਿੱਚ ਕਈ ਪਤਵੰਤੇ ਮਹਿਮਾਨਾਂ ਨੇ ਸ਼ਿਰਕਤ ਕਰਕੇ ਪ੍ਰੋਗਰਾਮ ਦੀ ਰੌਣਕ ਵਿੱਚ ਵਾਧਾ ਕੀਤਾ। ਪਹਿਲੇ ਦਿਨ ਹਜ਼ਾਰਾਂ ਦੀ ਗਿਣਤੀ ਵਿੱਚ ਕਿਸਾਨਾਂ ਨੇ ਵੀ ਸ਼ਿਰਕਤ ਕੀਤੀ। ਮੇਲੇ ਵਿੱਚ ਵੱਖ-ਵੱਖ ਕਿਸਮਾਂ ਦੇ ਬੀਜ ਅਤੇ ਕਈ ਖੇਤੀ ਸੰਦ ਸ਼ਾਮਲ ਕੀਤੇ ਗਏ ਹਨ। ਉਮੀਦ ਕੀਤੀ ਜਾਂਦੀ ਹੈ ਕਿ ਇਹ ਕਿਸਾਨਾਂ ਦੀ ਮਦਦ ਕਰੇਗਾ।
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
ਜ਼ਿਲ੍ਹਾ ਪੱਧਰੀ ਕ੍ਰਿਸ਼ੀ ਮਹੋਤਸਵ ਤੇ ਖੇਤੀ ਮਸ਼ੀਨਰੀ ਮੇਲਾ
Summary in English: District level Krishi Mahotsav and Agricultural Machinery Fair started in Orissa
